The Call 救參通話

bingoking:
成套戲...緊係為左Halle Berry(荷爾芭莉), 而睇, 話哂都係金像影后..黑人女演員有樣有身材又肯露..係佢架啦.(甘佢呢套野又無露既:( )..唔係佢做..唔睇架啦.

只是OK...三分二都係緊張..睇過預告加上海報..仲有個垃圾香港譯名都知咩事..
又救參又通話..參就呃九人既..因為奸角即變態佬..唔係綁架.係務必殘殺..有無性侵犯?意會啦.所以個戲名已經係投機架啦..

套野前中段都係OK緊張...因為搵戲來做..加上唔知變態佬..做咩綁人..又有一大段公路式囚禁,受害女角困於車尾廂.被荷爾芭莉的911接線生...用TAKEN式既有型指引解困是OK..果D打爆車尾燈引人注意,希望爭取時間獲救是有邏輯..

而受害女角是正妹來..Abigail Breslin(即Little Miss Sunshine,Zombieland,Signs果位小妹妹) 歲月見證..佢係正既..

其實睇呢D戲..而家都唔求咩..個變態佬又係果D戀姊狂就導致而家專殺金髮妹果D..而攪D變態野..都預左..因為現代都玩到濫哂...而編劇導演都廢事攪太多深層次解釋.都係果句..總之條友就係奸既..奸就係變態既模式...

去到最後三分一既.決戰變態佬就變得公式化...本來好地地荷爾芭莉..又會化身神探去單拖搵線索, 又係果D最叻係你既模式, 一定比佢搵到最後藏參地...又係騎呢本來想CALL 齊SWAT,又會甘岩個電話有事果D..最後當然又係..唔知點解兩位女角又會打嬴變態佬...

當以為完既時候..兩女角唔係將佢繩之於法, 而係現代TAKEN式以暴易暴去用鐵鍊呀..綁實個變態佬..離開密室..喻意都係令佢付餓死果D..好似SAW第一集ENDING 甘..好似大快人心..又可以留下伏線...計過條數OK..咪拍下一集..變態佬無事,復仇囉...

呢D戲..係甘架啦..睇到三分一都知唔合理..要催眠自己..唔好甘邏輯..睇故唔好駁..過程緊張令我想追就算..

睇唔睇得過? 

OK 囉... 荷爾芭莉同Abigail Breslin都無露..中間有小小型囉..有時間都OK既

\yahoo 簡介:

導演 :畢安達臣

演員 :荷爾芭莉, 艾碧姬比絲蓮, 米高卻倫, 米高伊派里奧里

片長 :1小時35分

語言 :英語 (中文字幕)

上映 :9.5.2013

故事簡介:

911緊急熱線中心接線生Jordan(荷爾芭莉 飾)因一次失誤，意外令少女慘遭連環殺人犯毒手， Jordan更與兇手直接通話，留下無法抹掉的慘痛陰影。

Jordan又再收到少女Casey(艾碧姬比絲蓮 飾)的來電求救，說正被一名陌生人綁架困在開行中的汽車車尾箱內。Jordan隔空指引Casey自救，差點助Casey逃脫成功，這時兇手竟用Casey手機與Jordan直接對話，其聲線正是當日的連環殺人犯！
警方與Jordan合力，成功追查出兇手身分及住址，前往營救，卻不見Casey和兇手蹤影…Case y命懸一線，Jordan誓要把握最後機會，衝出報案中心，救她逃出魔掌。

究竟Jordan能否趕及在兇手完成對Casey加害之前，成功把她救出，同時把這名連環殺人犯緝拿歸案？

http://www.imdb.com/title/tt1911644/